శ్రీసూర్యసహస్రనామస్తోత్రం స్కందపురాణాంతర్గతం 

-----------------------

-----------------------

శుక్లాంబరధరం విష్ణుం శశివర్ణం చతుర్భుజం .

ప్రసన్నవదనం ధ్యాయేత్ సర్వవిఘ్రోపశాంతయే ..

వినియోగః ఏవం సంకల్ప వాక్య -

అస్య శ్రీసూర్యసహస్రనామస్తోత్రమహామంత్రస్య ఆదిత్యోపాసకః

శ్రీసూర్యవర్చా ఋషిః . శ్రీమదాదిత్యనారాయణో దేవతా బ్రహ్మవర్చస్వితా

మూలమితి బీజం . సర్వపాపవినాశక ఇతి శక్తిః . అగ్నిశ్చ జాతవేదాశ్చేతి

పరమో మంత్రః . హృద్రోగహారీతి కీలకం . నిషంగీ కవచీత్యస్త్రం .

భక్తరక్షణతత్పర ఇతి కవచం . శ్రీమదాదిత్యప్రసాదసిద్ధ్యర్థే

జపే వినియోగః ..

విభిన్న న్యాసః -

ఆదిత్యోఽదితిదేవ ఇత్యంగుష్ఠాభ్యాం నమః మంత్రో యంత్రం

తథా క్షేత్రమితి తర్జనీభ్యాం స్వాహా .

గాయత్రీవల్లభః ప్రాశురితి మధ్యమాభ్యాం వౌషట్ .

ఛందోమయః శాస్త్రమయ ఇత్యనామికాభ్యాం హుం .

సుబ్రహ్మణ్యశ్చ సూరీంద్ర ఇతి కనిష్ఠికాభ్యాం వషట్ .

సురభూసుర దత్తార్ఘ్య శుద్ధాంబుగ్రహణేరత ఇతి

కరతలకరపృష్ఠాభ్యాం ఫట్ .

హృదయాదిన్యాసం చ ఏవం కుర్యాత్ ..

సూర్యదేవ ధ్యానం -

ఆదిత్యస్త్వాదిదేవోఽయం భాస్కరో భవనాశనః .

విశ్వమూర్తిర్విశ్వనేతా చిన్మూర్తిశ్చింతితార్థదః ..

ఇతి త్రివారం పఠేత్ తత్స్సహస్రనామపారాయణం కృత్వా .

ఉత్తరన్యాసం కృత్వా . ఆదిత్యాయార్పయేత్ ..

మండలస్య చ విస్తారం నమస్కారవిధిం తతః .

పూజాక్రమవిశేషేణ శ్రుత్వా పునరభాషత .

సర్యవర్చా ఉవాచ -

భగవన్ సర్వతత్వజ్ఞ సర్వకర్మప్రవర్తక .

నామ్నాం సహస్రం దివ్యానాం శ్రోతుమిచ్ఛామ్యహం రవేః ..

బృహస్పతిరువాచ -

సూర్యవర్చః శృణు పరం సూర్యస్య చ మహాత్మనః .

ఉత్తమం నామసాహస్రం యత్తమస్తే నికృంతతి ..

బృహస్పతిస్సభగవానిత్యుక్తసూర్యవర్చసం .

ధ్యాత్వా నారాయణం దేవం భాను మండలమధ్యగం ..

అథ శ్రీసూర్యసహస్రనామస్తోత్రం .

ఓం ఆదిత్యశ్చాదిదేవోఽయం భాస్కరో భవనాశనః .

విశ్వమూర్తిర్విశ్వనేతా చిన్మూర్తిశ్చింతితార్థదః .. 1..

సద్యోజాతో వామదేవస్సర్వపాపవినాశకః .

వేద్యో వైద్యస్సదాయోగీ విశ్వకర్మా విభావసుః .. 2..

విరించిర్విశ్రుతాత్మా చ విశ్వసర్గప్రవర్తకః .

విద్యాత్మా విషయజ్ఞశ్చ విశ్వాత్మా విశ్వపాపహా .. 3..

విదుషామీశ్వరో విద్వాన్విశ్వనేతా విశేషవిత్ .

వీరహా విషయశ్శూన్యో బాలఖిల్యాదివందితః .. 4..

వామనో వరదః ప్రాంశుర్వాసుదేవస్సనాతనః .

బాలఖిల్యపురోగశ్చ వారిదో వసుమాన్వసుః .. 5..

వరేణ్యో వసుదేవశ్చ వసురేతా వసుప్రదః .

వాయుర్వాచస్పతిర్విశ్వం విష్ణుర్విశ్వామరేశ్వరః .. 6..

ఓంకారశ్చ వషట్కారః సోమగ్రహపురోగమః .

గ్రహనక్షత్రమాలీ చ శింశుమారశరీరవాన్ .. 7..

శరణ్యశ్శంకరశ్శంభుః కాలాత్మా కాంతివర్ధనః ..

కామదేవః కామహర్తా విరాడ్వీరాసనస్థితః .. 8..

విస్తారభూమా భూతేశో విశ్వగుప్తనురీశ్వరః .

మందేహరిపురిందుశ్చ బిందుస్సుందరవిగ్రహః .. 9..

సామగానప్రియస్సాధుస్సత్యసంధస్సదాశివః .

సమాత్మాసంధిరవ్యక్తం సాంబస్సారసవర్ధనః .. 10..

సూదస్సూక్ష్మస్సూక్ష్మకాయస్సూక్ష్మదృక్సుదృగవ్యయః .

రథాంగహేతిరంభోజవర్ధనః సర్వసమ్మతః .. 11..

వజ్రభృద్వత్సలో వాగ్మీ వాగీశో వాయువాహనః .

ధర్మాత్మాఽధర్మశత్రుశ్చ కర్మసాక్షీ పరంతపః .. 12..

పంచాననః పంచమూర్తిః పంచాంగీ పాపభంజనః .

పరాశరః పుణ్యమూర్తిః పురుహూతానుజః పరః .. 13..

సనాత్సర్వం సహస్సర్వస్సర్వగస్సర్వపోషకః .

సప్తాశ్వస్సప్తరజ్జుశ్చ సప్తైధాస్సప్తసారథిః .. 14..

సప్తప్రియస్సప్తదోగ్ధా ముఽజికేశో మురాంతకః .

శుకశ్శుద్ధశ్శుభాచారస్సర్వబీజమనాయకః .. 15..

కర్తా వికర్తా గహనో కారణం కరణం మహత్ .

అకుంఠవిక్రమశ్శౌరిర్వైకుంఠో భగవాన్భవః .. 16..

భానుర్హంసస్సహస్రాంశుస్తపనస్సవితా పితా .

జాతుకర్ణో జయీ జ్యాయాన్ మీనాంగీ సింహపాలకః .. 17..

ఏకోచ్చస్సప్తనీచశ్చ షట్పతిర్మానవల్లభః .

ఋతుస్సుదర్శనః కాలః కుంజరాననపూజితః .. 18..

ద్విజో ద్విజశ్శుచిర్భీరః శ్రీమాన్ మూర్తిత్రయాత్మకః .

శివంకరః శ్రీభూతేశస్సింధురుచ్చైశ్శ్రవా హరిః .. 19..

ప్రద్మప్రబోధకః పద్మీ పద్మగర్భః ప్రభాకరః .

అహ్నాంప్రభుర్దినమణిదైతేయకులమృత్యుకృత్ .. 20..

కలా కాష్ఠా ముహూర్తాత్మా దినరాత్రిశరీరవాన్ .

పద్మాపతిః పరంధామ పరమాత్మా పరాయణం .. 21..

నిదానం నిత్యమద్వైతం కేవలం ముక్తికారణం .

సర్వభూతశరీరస్థం చైతన్యం బ్రహ్మనిర్గుణం .. 22..

ఏకో నైకః కృతిశ్శాంతిర్మతిర్బుద్ధిధృతిస్స్మృతిః .

మంత్రో యంత్రం తథాక్షేత్రం క్షేత్రజ్ఞోఽక్షరసంజ్ఞికః .. 23..

ఇంద్రియాణామధిష్ఠాతా తత్త్వం తత్పురుషాగ్రణీః .

అమాయీ మాయినామగ్ర్యో లోకస్వామీ స్వరాడ్గురుః .. 24..

ప్రాణదః ప్రణవః ప్రాణో ప్రాప్తిసాధనమంబరం .

జగన్మిత్రం పవిత్రం చ దేవానామపి దైవతం .. 25..

సింధునిద్రాద్ధిరణ్యాంగో సైంహికేయవిశోధితః .

విషువచ్చాయనం కాంతిశ్చంద్రోత్పత్త్యయనం గ్రహః .. 26..

దిగీశో దేవవృందేశో నక్షత్రేశో ధనేశ్వరః .

సూర్యవర్చాస్సూరిరాద్యస్సూర్యాపతిరుమాధవః .. 27..

విభాకరో ద్వాదశాత్మా కపిలః కపిశిక్షకః .

కపితాతః కపిః పింగః పంగుకాలపితా హరః .. 28..

వివిక్తస్సాగరస్సేతుస్తామ్రస్తామ్రరథో రథీ .

మేరుప్రభస్సుమేరుశ్చ బుధనున్నరథో భవః .. 29..

సహస్రప్రగ్రహో ధన్వీ మేధావీ శ్రుతిసాగరః .

భిషక్పితా భిషక్సారో భైషజం భవరోగహృత్ .. 30..

జన్మాదిశ్శాస్త్రయోనిశ్చ విజ్ఞానం జ్ఞానమేవ చ .

జ్ఞాతా జ్ఞేయం స్ఫుటస్ఫూర్తిరనీశో నాహవిరృపః .. 31..

అవిచ్ఛిన్నాన్వయశ్శాస్తా రామో రాజీవలోచనః .

గాయత్రీవల్లభః ప్రాంశుర్గేయో గాతా గుణార్ణవః .. 32..

సత్యమేధాస్సమామ్నాయస్సంధాతా కశ్యపాత్మజః .

సర్వధర్మమయస్సాక్షీ చిత్కూటనిలయోఽనలః .. 33..

చిరంతనశ్చిదాత్మా చ వైశాఖశిఖివాహనః .

అశ్వత్థః కుశనాభశ్చ సామ్రాజ్యం జగదీశ్వరః .. 34..

దీప్తమూర్తిమహామూర్తిస్సుతపాః ఋతుభుక్పశుః .

యజ్వా జాజ్వల్యదేహశ్చ శత్రుమండలఖండనః .. 35..

శరారుధ్వంసకశ్శాస్తా శాస్త్రయోనిర్నిరంజనః .

అనింద్యో నింద్యవిధ్వంసీ విశ్వామిత్రవరప్రదః .. 36..

విధ్యర్థబోధకో భానుర్వింధ్యవీథీ ప్లవంగమః .

తత్పదార్థోఽహంపదార్థస్తత్త్వమస్యర్థబోధకః .. 37..

త ఏతే త్వమహం దేవయక్షరక్షోభయంకరః .

మృత్యుంజయః పాకభేదీ సుషుమ్నాతాలశోభితః .. 38..

సహస్రారాంబుజారూఢో కర్ణికామధ్యమండపః .

గుహాశయశ్శివస్స్థాణుర్గోతా గణపతిర్గిరిః .. 39..

గోమూర్తిస్సర్వదేవాత్మా సర్వసంధ్యాప్రవర్తకః .

జేతిష్మానింద్రశర్మా చ చిదానందో దిగంబరః .. 40..

కిరీటీ కవచీ ఖంగీ శంఖీ శార్ఙ్గీ చ పద్మకః .

వేత్రీ శూలీ నిషంగీ చ తాపనస్తపతాం వరః .. 41..

శంకరశ్చారుసర్వాంగస్సర్వబంధవిమోచకః .

మహాత్మా చారుసర్వాంగస్సర్వభూషణభూషితః .. 42..

భక్తేప్సితార్థసంధానకల్పవృక్షః కకుత్పతిః .

బంధూకకుసుమప్రఖ్యస్సర్వశస్త్రభృతాం వరః .. 43..

బ్రహ్మణ్యో బ్రాహ్మణో బ్రాహ్మీ రాజర్షిరమితప్రభః .

సనాతనవరస్సోమస్సర్వతత్త్వావలంబనః .. 44..

మహాపాతాలసమ్మాన్యో మానినామగ్రణీర్మహాన్ .

సిద్ధార్థకృత్సిద్ధగుహ్యః సిద్ధానాముత్తమాగతిః .. 45..

లోకనాథో విభానాథో మాఠరో మధువల్లభః .

తీక్ష్ణాంశుస్తీర్థగర్భశ్చ శ్వేతలోహితవాహనః .. 46..

కర్మ కర్మవిదాం నేతా సదావరణమండలః .

సహస్రగురనంతాత్మా విశిష్టశ్శిష్టపోషకః .. 47..

దివ్యమూర్తిర్దేవసింహో దివిషత్ప్రవరో దమః .

విశాలాక్షశ్శ్రీమూర్తిర్విశ్వభ్భరవిభావసుః .. 48..

మూర్ధన్వదిష్టదాయీ చ కృతిచింతానివర్తకః .

గంధర్వగణగోప్తా చ వస్వాదిగణవందితః .. 49..

గ్రహపో గ్రహనేతా చ గ్రంధిబంధవిభంజనః .

గ్రసిష్ణుర్గ్రహగోప్తా చ గ్రాహీ గ్రాహ్యశరీరభాః .. 50..

తపస్వీ తాపసశ్శోచ్యో తరణిర్ద్యుమణిర్మణిః .

చింతామణిర్దినమణిర్కోతిర్మణిరజేశ్వరః .. 51..

ఛందోమయశ్శాస్త్రమయస్సర్వకాంతిఖనిర్మనుః .

అనూరుసారథిః పీలో పైప్పలో త్రివిలోచనః .. 52..

త్రిశిఖీ బ్రాహ్మణమయో జ్యోతిస్సిద్ధాంతబోధనః .

త్రినామా త్రిశరీరశ్చ త్రికాండశ్చండదీధితిః .. 53..

ముక్తిద్వారం మునివరో మహోరస్కో మహామనాః .

అన్నపాత్రప్రదాతా చ విష్ణుచింతాపరః పుమాన్ .. 54..

ఆపదామపహర్తా చ రోగకాండదవానలః .

నివృత్తాత్మా సమావృత్తో చక్షురింద్రియదేవతా .. 55..

తపోమయస్తప్తతనుః పూషా పూషాదివందితః .

సర్వజంతుశరణ్యశ్చ బహ్వృచో బహుదాయకః .. 56..

కృష్ణాత్మా కమనీయశ్చ సర్వవేదవిభాగకృత్ .

కర్ణో వికర్ణః కాంతశ్చ బహుభోజీ బహుప్రియః .. 57..

దక్షిణో దక్షిణామూర్తిర్దయావాన్ దంభవర్జితః .

సద్భూతిః కోశగః కోశీ సర్వసిద్ధిపరాయణః .. 58..

శివదేహశ్శివాత్మా చ శివదేహశ్శివప్రదః .

వారాణసీవాసపరో హంసతీర్థప్రవర్తకః .. 59..

సూర్యలింగప్రతిష్ఠాతా సోమకాంతిర్వివర్ధనః .

సుగ్రహస్సుఖదస్సూక్ష్మస్ఖరసస్వారిత ఏవచ .. 60..

సంఖ్యావాన్సర్వసంసారీ సూరిః పరపురంజయః .

కృతాగమః కృతవిధిః కృతశాస్త్రః కృతాహ్నికః .. 61..

రాజా రాజద్వితీయశ్చ గ్రహరాజః ప్రమాణవిత్ .

బాడబో బాడవామూలం హవ్యం కవ్యం పితృప్రియః .. 62..

సమాధివేత్తా సారార్థస్సారదృక్శారదాప్రియః .

రక్తపుష్పార్చనీయశ్చ రక్తగంధాక్షతప్రియః .. 63..

పరార్థ్యార్థ్యః పూర్ణకాంతిః కృతతత్త్వార్థనిర్ణయః .

నిఖిలప్రాణనిలయో నిత్యమేరుప్రదక్షిణః .. 64..

పూర్ణః పూర్ణయితా పూజ్యః పరమాన్నకృతాదరః .

పరహింసాదిరహితో గురుమూర్తిర్గతిప్రదః .. 65..

గోపాలో లోకపాలశ్చ సర్వస్సర్వస్వమచ్యుతః .

మరుదీశో మరుచ్చక్షుర్మిత్రో హత్తాపనాశకః .. 66..

హృద్రోగహారీ కౌమారీ హరిమాదివినాశకః .

ఉత్తరాం దివమారూఢో హారిద్రః కోకనాయకః .. 67..

హ్రీం బీజమధ్యనిలయో నవనాథవివర్ధనః .

యోగినీవంద్యచరణో బలిగ్రహణతత్పరః .. 68..

నిత్యకల్యాణనిలయో కల్యాణాచలసేవకః .

కల్యాణదానః కల్యాత్మాఽత్యుగ్రో రిపుభయంకరః .. 69..

భూతికృద్భూతిభృద్భితిర్భూతభావనపూర్వజః .

త్రియుగశ్చ త్రిపృష్ఠశ్చ త్రిపాన్మూర్తిత్రయాత్మకః .. 70..

సర్వవిఘ్నవినాశీ చ సర్వబంధవిమోచకః .

త్రిశిరాస్త్రిప్రలంబశ్చ త్రిదంష్ట్రస్త్రిచతుర్గతిః .. 71..

కుజమిత్రం పితృపతిః పితృకారక ఏవ చ .

శుభాంగో లోకసారంగస్సారంగోఽరుణసారథిః .. 72..

పుణ్యశ్లోకః పుణ్యదాయీ పుణ్యకారీ పురాతనః .

విజయో విష్ణురాజశ్చ విష్ణురాతో భవాదిహృత్ .. 73..

వదాన్యశ్చ విరాడ్రూపీ విద్యానాథో విధిర్విధుః .

ప్రశస్తగుణసింధుశ్చ బంధుర్వేదాంతవేదినాం .. 74..

తత్త్వార్థమాతా తామ్రాశ్వస్తరుణస్తడిదుజ్జ్వలః .

తీర్ణదుఃఖస్తీవ్రవేగో చందనద్యుతిరాత్మవాన్ .. 75..

అర్కపర్ణస్నానతోషీ వీతిహోత్రాదిదైవతః .

ఏకాక్షశ్చైకచక్రశ్చ స్వతేజోభాస్స్వయంప్రభః .. 76..

పరాగతిః పిండజానామండజానాం భయావహః .

క్రూరవ్రతః క్రూరకల్పో తామసః పరవీరహా .. 77..

షట్పల్లవవిధానజ్ఞష్షట్పల్లవవరప్రదః .

శ్రుతిపాదపసంచారీ కోకిలః కమలాశ్రయః .. 78..

కుష్ఠవ్యాధివినాశీ చ దుష్టపీడానివర్హణః .

ధృతపద్మద్వయో యోద్ధా తేజోమండలమధ్యగః .. 79..

సర్వాధివ్యాధిశమనో సర్వతాపాలితాపనః .

సర్వసాక్షీ సదుదయః స్వాష్టాక్షర్యధిదేవతా .. 80..

స్ఫోటాదిదోషహారీ చ గుల్మదుఃఖప్రభంజనః .

యోజనార్బుదసంచారీ సాలోక్యాదిప్రదః పితా .. 81..

ఖేటః కృపీటదాయీ చ నగ్నో నలినవల్లభః .

కుంతీప్రసన్నః కౌబేరః శ్రీవక్షాః శ్రీనికేతనః .. 82..

అరుణోఽరుణకేతుశ్చ యుద్ధప్రేతగతిప్రదః .

సంజ్ఞామనోనుకూలశ్చ మహేంద్రకృతపూజనః .. 83..

గరుడాగ్రజసూతశ్చ సస్యాలిసుహృదూర్మికృత్ .

గోధూమధాన్యనాథశ్చ వర్తులాకారమండలః .. 84..

రుద్రప్రత్యధిదేవశ్చ హస్తనక్షత్రనాయకః .

గుంజాపుంజప్రతీకాశః పవిత్రీకృతవృత్రహా .. 85..

కాలిందీజనకశ్చైవ గోబ్రాహ్మణహితే రతః .

ఇంద్రో వృద్ధశ్రవాః పూషా విశ్వవేదాః ప్రజాపతిః .. 86..

అగ్నిర్వాయుశ్చ సూర్యశ్చ వాయ్వశ్వో రశ్మిపాలకః .

మరీచ్యాత్మా భువనసూరద్రోహీ పుత్రదాయకః .. 87..

మహానామ్నీవ్రతహితో మహామానోపరాక్షసః .

ఆదిత్యోఽదితిదేవశ్చ దితిదేవో దివస్పతిః .. 88..

వ్యోమసందృగ్విమానస్థో సుమృడీకస్సరోవిభుః ..

స్మృతిప్రత్యక్షమైతిహ్యమనుమానం విధాయకః .. 89..

సతైస్సర్వైస్సమావిష్టోఽణుర్మహానధివత్సరః .

పటరో విక్లిధః పింగః ప్రదర్శీ చోపదర్శకః .. 90..

నానాముఖశ్చైవ శీర్షో ఋతులక్షణలక్షితః .

శుక్లాత్మా దక్షిణః పక్షః కృష్ణాత్మా వామపక్షకః .. 91..

అహోద్యౌర్విషురూపీ చ విశ్వావనవిశేషవిత్ .

అపశుశ్చాపశుఘ్నశ్చ నపశుః పశుపాలకః .. 92..

సంవత్సరప్రియతమః ప్రత్యక్షజ్ఞేయమండలః .

షడుద్యమస్సప్తయాత్రో వినాదీ చాభిధావకః .. 93..

షష్టివల్గస్సార్ష్టికశ్చ ప్రైషకృత్ప్రథమస్స్మృతః .

అఘోరాక్షస్సదోనాదీ వాక్ప్రయోజక ఏవ చ .. 94..

సంవత్సరీణః కర్మఫలపద్మాపీత ఇవోజ్జ్వలః .

కనకోజ్వలవాసాశ్చ అహతాంబర ఏవ చ .. 95..

కపర్దీ విశిఖశ్చైవ వాతవాన్మరుతాం ముఖం .

క్షపణో యోత్స్యమానశ్చ హేమచక్షురకోపనః .. 96..

అపధ్వస్తశ్చ సన్నద్ధస్సహదృగ్జీవనప్రదః .

న దేవో న మనుష్యశ్చ నాగ్నిర్నేంద్రో న మారుతః .. 97..

నోపమో రుద్రధన్వా చ కర్మబ్రహ్మప్రపంచకః .

ఋతుభిస్సన్నుతస్స్వామీ సర్వకామధుగవ్యయః .. 98..

ఆరోగ్యస్థానభా భ్రాజః పటరస్థానభా అపి .

సప్తసూర్యాప్తిశ్చైవ కశ్యపో మేర్వమోచకః .. 99..

వాత్స్యాయనః పంచకర్ణో సప్తహోతా చ ఋక్పతిః .

తస్థివాంజగదాత్మా చ వైశంపాయన ఏవ చ .. 100..

అనంభా అంభసాం మూలమగ్నివాయుపరాయణం .

కశ్యపస్యాతిథిశ్చైవ సిద్ధాగమన ఏవ చ .. 101..

నమ ఉక్తిప్రియః పుణ్యో అజిరాప్రభురేవ చ .

నర్యాపాః పంక్తిరాధాశ్చ విసర్పీ నీలలోహితః .. 102..

నీలార్చిః పీతకార్చిశ్చ వాయురేకాదశాత్మకః .

వాసుకివైద్యుతశ్చైవ రజతః పరుషాదికః .. 103..

నాసత్యజనకశ్చైవ శాంబరశ్చాపపూరుషః .

సుబ్రహ్మణ్యశ్చ సూరీంద్రో గౌతమః కౌశికీపతిః .. 104..

అగ్నిశ్చ జాతవేదాశ్చ సహోజా అజిరాప్రభుః .

కః కిం కం తత్సత్యమన్నమమృతో జీవ ఏవ చ .. 105..

వ్యయజన్మానుజన్మోఽగ్రస్సప్తసప్తకదృష్టిభాక్ .

భానుర్విధుశ్చ భౌమశ్చ చంద్రసూనుశ్చ గీష్పతిః .. 106..

ఉశనా సూర్యసూనుశ్చ తమః కేతుస్తథాద్రిభృత్ .

అర్ధప్రహారో గులికో యమకంటక ఏవ చ .. 107..

కారకో మారకశ్చాపి పోషకస్తోషకస్తథా .

పశ్చాల్లత్తః పురోలత్తః పార్శ్వలత్తస్తథైవ చ .. 108..

ఆకాశగ్రహసంసేవ్యో ధూమకేతువిజృంభణః .

భూకంపనాదిహేతుశ్చ రక్తవృష్టివిధాయకః .. 109..

గర్జన్ పర్జన్యరూపీ చ దుర్జయో దురతిక్రమః .

నిర్జరారాధ్యచరణో జరామరణవర్జితః .. 110..

వియద్గమనజంఘాలో వీతిహోత్రసమప్రభః .

విరించిగర్భసంభూతో విషవ్యాలవినాశకృత్ .. 111..

శ్రీపుష్టికీర్తిసందాయీ నమతాం నమనప్రియః .

వేదాధ్యయనసంపన్నో వేదాంతేషు చ నిష్ఠితః .. 112..

శబ్దశాస్త్రప్రణేతా చ శబ్దబ్రహ్మమయః పరః .

అర్థబ్రహ్మమయోఽర్థార్థీ స్వార్థినామర్థదాయకః .. 113..

జపయజ్ఞస్తపోయజ్ఞో దానయజ్ఞస్తథైవ చ .

స్వాధ్యాయయజ్ఞో ధర్మజ్ఞో నీతిజ్ఞో విజ్ఞ ఏవ చ .. 114..

గుహాశాయీ గుహాభేదీ సాక్షాన్మన్మథమన్మథః .

మంజుదేహో మంజుకాంతిర్మహిమాతిశయోజ్జ్వలః .. 115..

మిత్రవిందావంద్యపాదో మునివృందావనే హితః .

బ్రహ్మచారీ సుమేధాశ్చ ఊర్ధ్వరేతాస్తపోమయః .. 116..

ఐంకారనిలయో వాగ్మీ వాగర్థప్రద ఏవ చ .

హ్రీంకారనిలయో మాయీ ఇంద్రజాలాదితత్త్వవిత్ .. 117..

శ్రీంకారనిలయశ్శ్రీమాన్ ధనదో ధనవర్ధనః .

శ్రీచక్రరాజనిలయః శ్రీదేవీకర్ణభూషణం .. 118..

క్లీంకారమధ్యనిలయః కామరాజవశంకరః .

సౌశ్శక్తిసహితో జ్ఞానదానదక్షః ప్రకాశకః .. 119..

పరమాత్మాంతరాత్మా చ జీవాత్మా చ నియామకః .

హృదయగ్రంథిభేత్తా చ సర్వసంశయనాశనః .. 120..

బ్రహ్మవ్యాఖ్యాననిపుణో యజ్ఞదీక్షాధురంధరః .

దౌర్భాగ్యతూలవాతూలో జరాధ్వాంతనివర్తకః .. 121..

ద్వైతమోహవినాశీ చ భేదవాదివిభేదనః .

వీరభద్రమతధ్వంసీ వీరారాధ్యనిబర్హణః .. 122..

కాపాలిమతకోపీ చ మీమాంసాన్యాయతత్పరః .

కార్తాంతికవరస్సర్వకార్తాంతికపరాయణః .. 123..

జంగమాజంగమమయో జానకీపూజితః పురా .

ఇక్ష్వాకువంశనాథశ్చ ఇందిరాస్థానసుందరః .. 124..

విద్యావినయవిజ్ఞాన త్రయీతాండవమండపః .

రామచంద్రకులాంభోధిః కామినీకామదాయకః .. 125..

సంగీతశాస్త్రనిపుణః స్వరవిద్యాప్రవర్తకః .

రాజగ్రహోఽధికారీ చ రాజరాజేశ్వరీప్రియః .. 126..

రాజ్యం భౌజ్యం చ సామ్రాజ్యం వైరాజ్యం రాజ్యమేవ చ .

గౌః పంచగవ్యం శుద్ధాత్మా చాంద్రాయణఫలప్రదః .. 127..

కృచ్ఛ్రాదిఫలదాయీ చ దారిద్ర్యభయనాశనః .

దుఃఖార్ణవోత్తారకశ్చ దురితవాతఖండనః .. 128..

బ్రహ్మహత్యాదివిధ్వంసీ భ్రూణహత్యానిబర్హణః .

గురుద్రోహాదిశమనో మాతృగామివధోద్యతః .. 129..

పంచాస్త్రశస్త్రమేఘాలిఝంఝావాతో ఝషాదికః .

చిత్రగుర్దానశౌండశ్చ సింహసంహననో యువా .. 130..

వైధవ్యబాధాశమనో విధవానాం గతిప్రదః .

రజోదోషవినాశీ చ కృతపక్వాన్నగర్హణః .. 131..

పట్టాభిషిక్తభక్తాలిర్దుష్టమత్తేభకేసరీ .

అనర్గలగతిగూఢో గోమతీతీరపుణ్యకృత్ .. 132..

జరాయుదోషహారీ చ పూర్ణాయుర్యోగకారకః .

భక్తాబ్జపూర్ణచంద్రశ్చ ధర్మమార్గప్రవర్తకః .. 133..

సౌవర్గసుఖహేతుశ్చ నిరయధ్వంసదీక్షితః .

భ్రమన్మండలసంస్థానో భ్రాంతిపిత్తాదిరోగహృత్ .. 134..

మేహాదిరోగశమనో పాండుక్షయవినాశనః .

పాపవేతాలమంత్రజ్ఞో పాపకృజ్జనదుర్లభః .. 135..

జ్వరాదిదోషదూరశ్చ విజ్వరీకృతభూసురః .

మోక్షనిశ్రేణికాసాక్షీ దాక్షాయణ్యాదిసేవకః .. 136..

భావుకో భద్రకరుణమశ్వినీపుష్కరోజ్జ్వలః .

ప్రశస్తవాన్నిస్తులన ప్రబంధశతకల్పనః .. 137..

భూనేతా భూధరో భోగీ భాగ్యదాయీ భవప్రియః .

కర్మందీ వలలః క్లీబః పశుపాలోఽశ్వపాలకః .. 138..

శనిపీడావినాశీ చ కృత్యాదోషనిబర్హణః .

ఆభిచారికవిధ్వంసీ గదావనదవానలః .. 139..

జపపూజార్చనరతో నారాయణపదం పరం .

పాపపాషాణదలనటంకీకృతకరావలిః .. 140..

మోక్షలక్ష్మీకవాటశ్చ మాతృకావర్ణమండనః .

అకారాదిక్షకారాంతవర్ణమాలావిభూషణః .. 141..

అనుస్వారాదిసంఖ్యాత్మా స్వరో వ్యంజన ఏవ చ .

సర్వార్థదస్సర్వకర్మసర్వకార్యప్రకాశకః .. 142..

పంచవింశతితత్త్వస్థః పంచబ్రహ్మసముద్భవః .

పారమార్థికసందాయీ పంగ్వాదిగతిదాయకః .. 143..

సఫలీకృతపూజార్థో విఫలీకృతదుష్కృతిః .

శ్రుతిస్మృతిసమామ్నాతస్మార్తకర్మప్రకాశకః .. 144..

యజ్ఞోపవీతధారీ చ యాజ్ఞవల్క్యాదివందితః .

సుషుమ్నాయోగమధ్యస్థో లంబికాయోగసాధనః .. 145..

సాలంబనోద్దీపనాదిక్రియాబీజం మహామనుః .

కల్పాతిశాయిసంకల్పో వికల్పవిధివర్జితః .. 146..

అనల్పమూర్తిరశ్వాత్మా స్వాత్మానందవిధాయకః .

ఆత్మానాత్మవివేకజ్ఞో నిరావరణబోధనః .. 147..

నిదానభూతస్తత్త్వానాం నిత్యకల్యాణసుందరః .

శాంతరక్షణనిర్నిద్రః శ్రుతిస్మృతిశుభద్రుమః .. 148..

ఆలాపీకృతవేదాంగో మాలాలంకృతకంధరః .

రుద్రాక్షకంకణలసత్కరో రుద్రజపప్రియః .. 149..

సదాశివపరబ్రహ్మస్థానం శ్రీశంభువిగ్రహః .

మూలాధారాంబుజారూఢో దహరాకాశమధ్యగః .. 150..

సహస్రారాంబుజారూఢో జ్ఞానడోలావిలాసవాన్ .

వేలోల్లంఘనసామర్థ్యో వేత్తా నిర్వృతిదాయకః .. 151..

సురభూసురదరుత్తార్ఘా శుద్ధాంబుగ్రహణే రతః .

బ్రహ్మవర్చస్వితామూలం బ్రహ్మశ్రీసూర్యవిగ్రహః .. 152..

ఫలశ్రుతిః -

ఇతి నామాని గౌణాని భాస్కరస్య మహాత్మనః .

కానిచిద్వర్ణితాన్యత్ర దేవస్యానంతరూపిణః .. 153..

సూర్యవర్చః కృతార్థోఽసి త్వమద్య నహి సంశయః .

దివ్యానామపి యన్నామ్నాం సహస్రమనుకీర్తితం .. 154..

ఏతస్య శ్రవణాదేవ కీర్తనాజ్జీవకోటయః .

తరంతి దుస్తరం ఘోరం సంసారం నాత్ర సంశయః .. 155..

యశ్శృణోతి సదా నామ్నాం సహస్రం భాస్కరస్య చ .

విద్యాకామో లభేద్విద్యామర్థార్థీ సార్థకో భవేత్ .. 156..

అనపత్యో లభేత్పుత్రమరాజా రాజ్యమాప్నుయాత్ .

గ్రహపీడా వినశ్యంతి నశ్యంతి బ్రహ్మరాక్షసాః .. 157..

ఆరోగ్యమాప్నుయాద్రోగీ కామీ కామానవాప్నుయాత్ .

కిమత్ర బహునోక్తేన సర్వసిద్ధిర్భవిష్యతి .. 158..

ధర్మార్థకామమోక్షాణాం సాధనం సర్వసమ్మతం .

శ్రుతిస్మృతిపురాణాదిసారార్థకృతనిర్ణయం .. 159..

నామ్నాం సహస్రం యో భకయా పఠేన్నియతమానసః .

సిధ్యంతి సర్వధర్మార్థాస్తస్య నైవాత్ర సంశయః .. 160..

విశ్వాసురువాచ -

నారాయణ నమస్తేఽస్తు భానుమండలమధ్యగః .

కర్మణామపి ధర్మాణాం సాక్షీత్వం బ్రహ్మనిర్మలం .. 161..

అనంతోఽనంతనామా చ శ్రీమాన్ లోకత్రయేశ్వరః .

విభూతిః కేన వా జ్ఞేయా జ్యోతిషామయనస్య చ .. 162..

గంధర్వా ఊచుః -

సూర్యఆత్మాస్య జగతస్తస్థుషశ్చ త్వమేవ హి .

త్వామృతే నహి పశ్యామో జంతూనాం శరణం కలౌ .. 163..

బాలఖిల్యా ఊచుః -

యః కర్మసాక్షీ విదుషాం వరేణ్యం భర్గశ్చ సూతే సవితా జగచ్చ .

యో వృష్టిదాయీ తపనశ్చ పుష్టిదస్తమేవ దేవం గతిమామనామ .. 164..

వైఖానసా ఊచుః -

కలాశ్చేందోః కలాస్సర్వాః కలాభిశ్చ ప్రపంచితాః .

తమేవ కలయామోఽద్య చక్షుషో రతిదైవతం .. 165..

వైష్ణవా ఊచుః -

నారాయణాశ్రయో మర్యో నారాయణపరాయణః .

సర్వత్ర విజయీ భూయాత్స ఏవ సవితా స్వయం .. 166..

రుద్రగణా ఊచుః -

అష్టమూర్తేరియం మూర్తిరేకా దీప్తిమయీ యతః .

ఏనం భజామ లోకేశం భానుమండలమధ్యగం .. 167..

శ్రీసూత ఉవాచ -

బృహస్పతిస్సురాచార్యః కృపయా పరయా ముదా .

సూర్యవర్చసమిత్యుక్త్వా విరరామోమితి స్వయం .. 168..

వ్యాసప్రసాదాచ్ఛ్రుతవానహమేతన్మహర్షయః! .

భవంతస్సర్వధర్మార్థసిద్ధయై నిత్యం పఠంతివదం .. 169..

.. ఇతి శ్రీస్కందపురాణే సూర్యసహస్రనామస్తోత్రం సంపూర్ణం ..